Дар бораи панду ахлоқ

User Rating:  / 1

Ҷамъоварӣ, ҳифз ва нигаҳдории дастхатҳои қадима, ки инъикоскунандаи таъриху фарҳанги миллати мо маҳсуб мешавад, мақсади асосии ҳар осорхона ба ҳисоб меравад.

Осорхонаи таърихии вилояти Суғд фаъолияти худро ба ҳамин мақсад равона намуда, барои ғанӣ гардонидани фонди осорхона дар қатори дигар ашёҳои таърихӣ китоби “Дар бораи панду ахлоқ”-ро харидорӣ намуд, ки он тахминан ба миёнаҳои асри 19 мансубият дорад. Китоб таҳти №157 қарор дошта, соли 1266 ҳ.қ. ба табъ расидааст. Муаллифаш номаълум буда, бо забони форсӣ навишта шудааст. Хатташ настаълиқ, комил ва аз 104 барга иборат мебошад. Навъи асар динӣ (назму наср), андозааш 22х13,5 аст. Саҳифаҳо аз 13 сатрагӣ иборат буда, ҳар як мавзӯъ бо рақамгузорӣ ва ранги сурх ишора шудаанд. Матни асар бо хатти равшану хоно китобат шуда, насри зебое дар омезиши назмӣ шево мебошад.

М. Бойматова

Корманди илмии МД МФТ “Қалъаи Хуҷанд”