Тоҷикӣ Русӣ English
ТОҶИКӢ РУСӢ
Тоҷикӣ Русӣ English
/ 1
Мо имрӯз ифтихор дорем, ки 28 сол қабл аз ин нахустин хиштҳои пойдевори истиқлолияти воқеӣ ва давлатдории миллии худро ниҳода, аз шарофати мустақилият соҳиби рамзҳои давлатӣ – Парчам, Нишон ва Суруди миллӣ гардидем.
Истиқлолият барои мо нишонаи барҷастаи пойдории давлат, бақои симои миллат, рамзи асолату ҳуввият, шиносномаи байналмилалӣ ва шарафу эътибори ба ҷаҳони мутамаддин пайвастани кишвари соҳибистиқлоли Тоҷикистон аст.
Муассисаи давлатии “Маҷмааи фарҳангию таърихии “Қалъаи Хуҷанд” ҳамватанони азизро ба ифтихори ҷашни бузург ва муқаддаси миллӣ – Истиқлолияти давлатии Ҷумҳурии Тоҷикистон табрик намуда, ба ҳар кадоми Шумо саломативу хушбахтӣ ва сарбаландиву барори корро орзу менамояд.
Бигзор парчами истиқлолият асрҳои аср бар сари миллати куҳанбунёду номдор ва озодаи тоҷик парафшон бошад!
Илоҳо сулҳи мо то абад поянда бошад ва сарчашмаи ифтихору сарбаландии наслҳои оянда гардад!
Ҳамеша хушбахту пирӯз ва сарбаланд бошед!