Куртаи момои ман

User Rating:  / 0

Либоси миллӣ ҷузъи муҳим ва намоёни фарҳангии ҳар як миллат ба шумор меравад, ки хело таърихи тӯлонӣ дар зиндагии мардум дорад. Либосҳом миллӣ на танҳо зебоӣ ва ҳунари мардумиро инъикос мекунад, балки нишонаи ҳувияти миллӣ ва суннатҳои қадимии ҳар қавму миллат  мебошанд. Либосҳои миллии тоҷикон низ бо рангҳои дилкаш, нақши зебо ва хусусиятҳои нодири худ аз фарҳанги бойи мардуми тоҷикон шаҳодат медиҳад.

Ба ин хотир, дирӯз бо ташаббуси Кумитаи кор бо занон ва оилаи МИҲД- и  вилояти Суғд, раёсати шуъбаи кор бо занон ва оилаи МИҲД-и шаҳри Бӯстон, дар якҷоягӣ бо намояндагони маркази ташкилоти “Гулрухсор”,  ходимони ҷамъиятӣ, васоити ахбор ва  муҳассилони макотибҳои шаҳру ноҳия, дар Хона – музейи ба номи Камоли Хуҷандии МД МФТ”Қалъаи Хуҷанд” чорабинӣ баргузор  гардид.

Дар ин чорабинии мазкур, таҳти унвони “Куртаи момои ман”, Шуҷоат Хасанова – ходими намоёни ҷамъиятӣ баромад ва  суханронӣ намуд. Аз ҷумла, истодагарӣ намуда гуфт, ки либоси миллӣ таҷассумгари фарҳанги миллии тоҷикон мебошад. Халқи тоҷик аз азал фарҳангӣ бою ғанӣ дорад, одоби либоспӯшии ин миллати ботамаддун шаҳомати маданияти худро гум накардааст. Тоҷикон фарҳангӣ ба худ хосро доранд, ҳамеша анъанаҳои миллиро пос медоранд, ки фарҳанги либоспӯшӣ ифодаи муҳаббат ва эҳтироми миллӣ аст.

Инчунин,  Бобоҷонова Сабоатхон - намояндаи ташкилоти маркази “Гулрухсор” дар баромад хеш иброз дошт, ки аз ҳунар ва арзишҳои волои фарҳанги миллӣ, ҳамзамон аз либосҳои миллии худ ифтихор намоем, зеро либоси миллӣ аз матои атласу адрас ва зардӯзиву чакан  ба ҷаҳониён муаррифӣ намуд, ки либос нишон аз фарҳанг мебошад. Дар идомабахши чорабинӣ гуфта шуд, ки мо занони тоҷики ба ору номус хеле хурсанд аз онем, ки имрӯз сарҷамъ дар чорбоғи Камоли Хуҷанди чунин маҳфилро гузаронида истодаем. Либоси милли тоҷикон танҳо либос нест, балки роҳи изҳори эҳтиром ба таърих ва фарҳангӣ мебошад, яъне шоҳиди зиндаи таърих ва маънавиёти мардум мебошад, ки дар руҳияи ватандӯстӣ, ифтихори миллӣ ва худшиносию худогоҳии насли ҷавон нақши созгор мегузорад.

Тошматова Таҳмина - роҳбалади хона-музейи
Камоли Хуҷандии МДМФТ ”Қалъаи Хуҷанд”