ҲАРАКАТИ НИГОРАҲО

User Rating:  / 0

Тибқи нақшаи фаъолияти осорхонаи таърихии вилояти Суғд бо мақсади ташвиқу тарғиби ҳунарҳои миллии мардумӣ, дар рӯҳияи ифтихори миллӣ, хештаншиносӣ тарбия намудани ҷавонон ва пурра намудани толорҳои намоишии осорхонаи навтаъсиси ноҳияи Айнӣ аз фонди осорхонаи таърихӣ тибқи дархости бахши фарҳанги ноҳия 20 адад нигораҳои арзиши таърихӣ-фарҳангӣ дошта, барои намоиш фиристода шуд.

Дар навбати худ 30 адад намунаҳои маснуоти ҳунармандӣ, ки дар осорхонаи ноҳияи Айнӣ барои намоиш гузошта шуда буданд, ба ноҳияи Ғончӣ барои таъсиси гӯшаи намоишии сайёр таҳти унвони «Намунаҳои маснуоти ҳунармандӣ аз фонди осорхонаи таърихии вилояти Суғд» ирсол карда шуд.

Мақсад аз ташкили чунин намоиш тарғибу ташвиқи ҳунарҳои миллӣ, тарбияи ватандӯстӣ, хештаншиносӣ ва арҷгузорӣ ба мероси ниёгон мебошад.