Тадж. Рус.
ТОҶИКӢ РУСӢ
Тадж. Рус.
/ 0
Дар асоси барқияи Мақомоти иҷроияи ҳокимияти давлатии вилояти Суғд, бо мақсади саҳмгузорӣ дар ободонии муҳити зист ва тозаву озода нигоҳдории ҷойҳои истироҳатӣ ва ҳифзи ёдгориҳои таърихӣ , дар боғи фароғатӣ ва қалъаи таърихии Муассисаи давлатии “Маҷмааи фарҳангию таърихии “Қалъаи Хуҷанд” ҳашари умумишаҳрӣ баргузор гардид.
Ин иқдом , ки бо ҷалби васеи кормандони муассиса сурат гирифт, ки симои зебои муассисаи фарҳангӣ боз ҳам зеботар гардад. Дар чорабинии мазкур намояндагони шуъбаҳои мухталиф ва кормандон ихлосмандона ширкат варзиданд.
Зимни баргузории ҳашар дар қалъаи таърихӣ корҳои гуногуни ободонӣ ба монанди тоза намудани гирду атроф аз хазонҳову алафҳои бегона, ҷамъоварии салафанҳову зарфҳои пластикӣ ва баровардани партоваҳо дар контейнерҳои махсуси партовкашон ва нигоҳдории инфрасохторӣ анҷом дода шуд.
Ҳадафи асосии ҳашари дастаҷамъона ин баланд бардоштани масъулияти шаҳрвандон нисбат ба ҳифзи ёдгориҳои бостонӣ ба ин макони таърихии шаҳри Хуҷанд ба ҳисоб меравад.
Дар баробари ин дар боғи истироҳати низ корҳои назаррас амалӣ гардиданд. Тоза кардани майдончаҳо ва ҷойҳои нишаст, баровардани партоваҳо ва тоза намудани ҷӯйборҳо аз корҳои муҳими рӯз буданд.
Гуфтан ҷоиз аст, ки дар боғи фароғатӣ ҳашари шанбегӣ ҳоло корҳои нигоҳбини мавсимӣ идома доранд. Боғбонон бо асбобҳои махсус қайчиҳои калон ва қайчии боғдорӣ шохаҳои зиёдатӣ ва хушкшудаи дарахтонро мебуранд. Онҳо кӯшиш мекунанд, ки ҳар як дарахт шакли дуруст гирад, беҳтар нашъунамо ёбад ва ҳангоми нашъунамои баҳору тобистон солимтар бошад. Ҳамзамон, шохаҳои буридашударо ҷамъ намуда гирду атрофро тоза нигоҳ медоранд, то боғ барои меҳмонон боз ҳам зеботар ва роҳаттар шавад.
Бо иштироки дастаҷамъона муҳити боғи фароғатӣ зеботар ва ҷолибтар гардида, барои истироҳати сокинону меҳмонон шароити фароҳам оварда шуд. Ташкили чунин ҳашарҳо на танҳо ба ободиву зебогии муассисаи фарҳангӣ мусоидат мекунад, балки руҳияи ягонагӣ ва ҳисси масъулияти иҷтимоиро тақвият мебахшад.
Баргузории ин иқдом аз он шаҳодат медиҳад, ки ҷомеаи меҳнатии муассисаи мазкур барои ҳифзу ободонии муҳити зист бетараф нест ва бо дастгирии МИҲД-и вилояти Суғд ҳамеша ба амалҳои созанда омода мебошад.
Валӣ Набизод – котиби маркази
иттилоотии МДМФТ”Қалъаи Хуҷанд”